لنكتب احلى اشعار الغزل

[اســـيرالشـــوق]

يالليل واعلنها على روس الاشهاد ....... واكتب على وجه القمر هالعبارة
أموت في حبه لو اجسادنا بعاد ........... أهديت له عمري وذا القلب داره

[اســـيرالشـــوق]

ليتني يا يمه في عمر الطفوله00
اترك الدنيا واخليــها وراااي
أقضي الأوقات في صوله وجوله00
بين لـ ع ـب وضحك والعابي جداي
اطرب اصحابي وياني ملوله00
ونومي بـ حضنك ترى غاية هناي
اوصل الروضه واعود لك عجوله00
ما احتمل طول المغيبه يا مناي
طفله صغيره وفي طبعي خجوله00
بالبراءه دوم يغلبني حياااااي

[اســـيرالشـــوق]

كتبه الله لعمـري جـرح ولغيـري كتبـه مـراد
وتذبحني ظنوني وان صحت بي جمـرة الغيـره
يقول انتي .. واقول انت الغلا.. ياروح روح ابعاد
عليك الله وامانه وش يضـف الدمـع ويجيـره
دريت انـه لغيـري واقتنعـت ولابقـى مقعـاد
تفارقنـا ويامكثـر غـلاه وكـثـر تقصـيـره
خذا كـل العمـر واقفـا بلاعـذر .. وبلاميعـاد
وانا . . قفيت ..ما والله في قلبي سكـن غيـره

[اســـيرالشـــوق]

أنــا اقــول يــا سـتـار زل اول الـلـيـل= تـعـدى اولــه مـــا بـقــي الا قلـيـلـه
تـرى الليـل مــا يصـلـح بلـيـا تعالـيـل=تعـالـيـل يــبــرن الـقـلــوب الغـلـيـلـة
انا اللي جرى لي في حياتي غرابيل =غـرابـيـل يـدعــن الـدقـاقـة جـلـيـلـة
الا ياعيونـي هلـن الـدمـع بالحـيـل = علـيـك القصـيـرة ياعيـونـي طـويـلـة
الا واعـنـاي مــن الليـالـي المقابـيـل =ليـالـي عـلـى الـحـمـى تزيدالمـليـلـة
خذ القلب واودعني سـواة المهابيـل =حسيـن النبـا اللـي نافـل كـل جيـلـه
ملكني هوى راعي العيون المضاليل =وانا مـن قبيلـة والغضـي مـن قبيلـة
صغير النهـود اللـي سـواة الفناجيـل =انـا ماذبحنـي كـود ظـافـي الجديـلـة
نويت السفر يا الله عليـك التساهيـل =ابمشـي وحالـي مـن فراقـه عليـلـة